無綫綜藝節目《一日打工限定》今（十九）晚首播，十五名藝人以第一身角度帶觀眾了解香港各行各業的「另類職人」，並藉此展現行業中職人的專業精神。

　今晚打頭炮於首集登場的，是最近劇接劇的張振朗，體驗的行業是「海上清潔師」。

　對於振朗來說，海上清潔職人要面對的最大難關，是難以形容的垃圾臭味，振朗聞到時一而再反射性作嘔：「原來我今日最敵唔過嘅唔係體能、天氣，而係臭味，我而家個人瘟瘟沌沌」。除了忍臭，還有無間歇體力消耗，因為海上清潔師既要操作大型物件及工具之餘，還要應付海上層出不窮的垃圾種類，全部工序都需要花上很大力量；雖然如此，振朗不但全程應付自如，更多次展現超級強勁麒麟臂、就連前臂及三頭肌的肌肉亦清晰可見，絕對是「力的表現」，令人驚艷。

　振朗體驗當日，海上清潔隊先後遇上鐵桶及雪櫃等超巨型垃圾，令振朗相當傻眼：「癡線，咁都有嘅！」最終振朗與師傅文哥夾手夾腳將雪櫃撈起及運往收集站，期間同行姐姐笑笑口大拋專業Bite：「巨型垃圾來講，車軚同圓筒係最難清，因為好難拎，但我哋都要攞上來，因為我哋做服務架嘛。」振朗聽畢忍不住直豎拇指，並以自己的一日打工經歷勸喻香港人少啲亂揼垃圾：「我就話執一日啫，佢哋日日都要咁樣執，冬天又凍、夏天又熱，所以我覺得佢哋係好辛苦嘅工種，真係唔好亂咁揼垃圾；揼之前諗一諗，因為有大班人會好辛苦，好感恩有班人喺我哋背後默默幫我哋清理咗好多嘢。」

　天氣不穩定亦是海上清潔師會遇到的難題之一，振朗當日便先後遇上大風浪及突然天降暴雨兩大難題，振朗乘坐的船一度被強風吹至東歪西倒、眾人猶如坐海盜船般險象橫生。垃圾惡臭難當，再加上無間歇體力消耗及面對惡劣環境，振朗拍攝期間一度高呼我要劈炮：「公司搵埋啲咁激進嘅事情畀我做…TVB！我唔撈喇，ByeBye。」◇