四十五歲前亞姐韓君婷爆出因欠債四十萬元，今年一月申請破產。韓君婷接受訪問曾表示，過去兩年陷經濟困難，因為之前要負擔患癌母親的醫療費用，母親身故後遇上疫情搞到失業，無力抵債。申請破產原因是不想連累朋友，怕朋友會受到財務公司騷擾。

　破產後她突然搬離相識超過二十年，跟有情有義朋友蔡國威公屋住所，租住銅鑼灣劏房過新生活。有指蔡國威迫遷，故韓君婷要搬去住劏房。韓君婷惟有執埋包袱搬竇，嬲到unfollow蔡國威的社交平台，又剷走兩人的合照，兩人自此宣告一刀兩斷。不過，有關今次迫遷風波，雙方各執一詞。

　昨日凌晨時份，蔡國威親撰「Q&A千字文」，以自問自答方式四點反擊韓君婷指控：「我問心無愧！由最初我只係本著一心幫助好朋友，希望可以渡過難關，一直回答傳媒都相當保護，但竟然換來今日呢個對待……」韓君婷對蔡國威千字文言論，扯火說：「我不想再包容你去講大話去傷害我。我不會好似別人製造新聞，傷害人讓自己出位。人生就是過眼雲煙，我只會做好自己正面去面對未來。」

　至於蔡國威則表示不會再回應事件：「多謝大家，有明白我嘅人就已經足夠啦，我唔會再回應任何嘢啦。」其實佢呢啲垃圾大話精，真係唔想再回應佢。」

　兩年前，韓君婷支付母親龐大的醫藥費財困，幸而同是亞視出身的「六合彩之子」蔡國威有情有義，當時提出同居，以減輕她的生活負擔。君婷當時向記者稱讚蔡國威是有情有義的朋友，兩人同居時更一度傳出緋聞。不過，兩人關係突然出現變化，自今年一月中韓君婷向法院申請破產，她爆蔡國威當晚便問追她：「你究竟幾時搬走？」君婷激動說：「嗰個星期我搵樓期間好唔開心，好難受！每日睇佢嘅面色，我唔係白食白住，每月有畀四位數字金額幫補家用，又有做家務，我唔想再包容佢去講大話，去傷害我。」

　另一廂嘅蔡國威也有話說，他用千字文反擊韓君婷迫遷論。

　一、呢七個字「你究竟幾時搬走？」我可以對燈火發誓，完全冇講過，當日係韓小姐自己親口同我講話搵到理想職業，可以養到自己，然後早一晚同我講:「聽朝十一點我會搬走，多謝」

　二、有畀四位數字家用。一直以來我回答傳媒嘅，我可以重申一次，由第一日佢搬來同我住，我已經同佢講，我供樓、水電煤各方面嘅開支都唔需要佢畀，我仲要因為咁每月額外租咗迷你倉，將屋企雜物搬過去，令到空間可以多啲，每個月佢會放低一千蚊畀我，有時多五百，唔係我要求嘅，係佢自己當係補貼下一啲雜費，咁你擺低我咪收，就算六合彩停期間，我自己屋企所有開支都應付自如，我根本無需要捱麵包。

　三、韓小姐話不想被抹黑，唔可以再講大話包容我，唔想保護我自尊傷害到自己而爆出真相？認清我真面目，唔使瞓梳化？自從佢申請破產新聞以來，我回答傳媒都係祝福，盡量唔講出真相，何來抹黑？一個人犧牲自己私人空間，無條件畀你住兩年，我一開始仲話畀房你瞓，你自己話瞓廳都得，你自己唔長進唔腳踏實地，自己堅持辭職賴疫情，我做朋友都仁至義盡，原來呢個真面目係你唔想見到嘅。

　四、unfollowIG。我完全無做任何動作，我一直唔會做埋啲咁小學雞嘅嘢，亦唔會成日check住邊個unfollow我或我要去unfriend人。」

　最後我要講一句，雖然我唔係咩富有人家，能力所及，可以幫，我都盡量幫，係需要你歌功頌德，但點解要以怨報德？◇