由一班靚仔靚女倪嘉雯（Carmen）、廖慧儀（Jessica）、伍倩彤（Gillian）、黃嘉雯（Carmaney）、蔡景行（行仔）等主持的飲食節目《美食新聞報道》，本周一、二、四、五晚8點TVBPlus（82台）播映。

　3日請來久未露面；素有「靚女惠」外號的梅小惠擔任嘉賓，她帶住蔡景行（行仔）到北角自家飯堂試菜。小惠依然鬼馬，跟行仔的對話中差點令行仔招架不住，笑料不絕。小惠表示揀這間餐廳介紹有兩個原因，好說︰「除咗同老闆娘熟之外，仲鍾意佢空間感夠。你知平時喺office淨係對住四幅牆，喺呢度就好舒服。」首款上桌的是蔥肉小蒜包，主打皮薄餡靚，配上自家製醬汁相得益彰，小惠在節目中自爆非常能吃辣，她自豪說︰「就算食四川菜水煮魚，我可以飲個湯底；食麻辣火鍋會淥好多生菜，係用嚟索晒啲汁。」行仔聽完即時露出難以置信的表情。

　此外，4日「睇下食評先」食評家KCKoo出動，帶黃婧靈（波波）幫襯一間逾40年歷史的粉麵店。波波自言最愛魚片頭河粉，至於魚片頭要符合三個原則，就是要有鮮味、爽口及彈牙。KC講解此間麵店自何文田勝利道起家，搬到現舖加起來已有40年歷史。KC解釋此店的柱侯牛腩之所以出色，是店主堅持以古法每日新鮮現炒，將磨豉醬、連皮老薑、蒜肉加乾蔥油等材料秘製而成，用來炆牛腩特別香，他說︰「個人覺得牛腩標準配搭係河粉，靚河粉嘅定義係夠幼身易掛湯，每一啖都可以有粉、有湯。」波波特別鍾情蜆蚧鯪魚球，主角是醮料的蜆蚧，正宗食法是一粒鯪魚球配一粒蜆，鹹香十足。」蜆蚧製法是用蜆肉加入汾酒、薑末、陳皮絲及鹽等醃製而成。◇