SelenaLee李施嬅雖然工作繁忙，但對動物愛護有加嘅佢，一得閒就會做義工，以身體力行方式關愛流浪動物。

　Selena日前喺社交平台分享為動物收容所擔任義工嘅點滴，佢感性寫道：「我沒時間養狗，但幸好可以去做義工，帶流浪狗狗去散步（當然也可以捐款）。」從Selena分享嘅相中可見，一身休閒打扮嘅佢拖住流浪狗喺戶外散步，全程笑容滿面，更不時同狗狗互動，愛心滿瀉。

　對於呢次義工體驗，Selena就覺得自己被狗狗嘅單純所感染，非常療癒：「狗狗真的很神奇，跟它們一起的時候就是沒有煩惱，只有快樂。感謝世界有狗狗」Selena嘅分享更吸引大批粉絲及愛狗人士留言支持，仲大讚佢「人美心善」添！◇