由林盛斌率領二０二五香港小姐亞軍施宇琪及季軍袁文靜主持的《中國建設銀行（亞洲）呈獻：攻你上大學》，今晚（十三日）十點半翡翠台播出最後一集，新學期的《攻你》繼續廣邀「城」中藝人玩盡小學、中學、大學三個學術級別的問題，最後勝出藝人，更可贏得獎學金。

　車婉婉、肥媽、張佳添、周國豐、海兒、谷婭溦、趙浚承、支嚳儀、周吉佩及黃劍文，齊齊換上校服Look青春登場。當中海兒的「眼鏡娘」造型極為可愛，連Bob也忍不住大讚：「啲仔畀你溝晒啦！」至於穿上校服的肥媽就語出驚人，自爆當年連小學六年級都未畢業，但憑著出版的著作被西班牙一間大學用作教科書，破格獲頒博士學位，肥媽霸氣表示：「唔使讀都有PhD！」

　節目中兩大名嘴Bob與周國豐瘋狂鬥嘴，Bob眼利指周國豐犯校規：「個個同學都無戴帽嘅，你做咩戴帽啊？」周國豐即反擊：「你夠戴帽囉！」Bob才恍然大悟：「係喎，我都唔記得咗添。」一向淡定的周國豐玩遊戲時竟難得緊張：「我係未試過咁緊張做一個節目㗎，成隻手都係汗來！」

　去到答題環節更是笑料百出！面對小學程度的「數雞蛋」題目，周吉佩竟想太多：「佢半打入面有無裝滿㗎？」周國豐苦笑：「唔係IQ題來㗎呢個！」谷婭溦則牙擦表示：「我覺得上次難啲。」即被Bob寸爆：「大家（製作組）都好擔心你再來又係小學無得玩！」而「正能量小子」黃劍文竟然公然偷睇隔籬谷婭溦同趙浚承的答案，結果慘被「跣」了兩鑊，他苦笑：「證明由細到大都係畀人跣。」更爆出神級矛盾金句：「雖然我揀錯咗，但係我答啱咗！」場面爆笑。

　至於今晚（十三日）播出的最後一集同樣精彩！面對中學音樂題，身為資深音樂人的周國豐賭上職業生涯：「我諗住如果呢條答錯嘅話呢，我會離開DJ行列！」而在中學地理題中，主持袁文靜好心畀Tips，竟意外「Fake」到全場嘉賓答錯題目，認真大整蠱！

　而每集必睇的片尾彩蛋「真‧學生相開心Share」環節繼續驚喜大放送！屆時將會公開周國豐超靚仔學生相、張佳添經典蘑菇頭、海兒可愛童年照，以及支嚳儀Cutie指數爆燈的孖辮妹Look！想知道最後邊個贏走終極獎學金？記得密切留意十點半翡翠台播出的《攻你上大學》！◇