由導演火火、吳若希(Jinny)及曾展望(GM)三位谷主主持,TVBPlus(82台)全新直播一小時節目《奇情谷》,逢周一晚9點半及周二晚9點35分播映,每集嘉賓的故事都會震碎各位三觀,對固有認知重新定義,走入一個誇張但真實的世界。

　19日主題「公關災難、婚嫁奇情、娛圈爆料」,「奇情嘉賓」為公關界「拆彈專家」,人稱「綠魔」的Karl,他遊走婚禮界跟時尚界,專門拆解關公災難。節目中Karl分享多單奇情婚宴,他說..「疫情時候因為限聚令,賓客要係網上睇婚禮。嗰時直播一對新人連同父母、兄弟姊妹簽字(註冊)儀式。開頭都無事,跟住奶奶就問『啲禮金、人情呢』,最後諗到要親朋課金先可以上網觀禮。」綠魔表示「媽寶」囝囝只好答應,事後要請一班好友食飯補數。

　講到最爆就要數Karl英國求學時一位同學,該名同學貌似「郭天王」且風流有家底。但20歲那年跟初戀女友「搞出人命」,Karl說..「佢老竇有頭有面又好嚴,要佢哋結婚。」婚宴前一晚準新郎跟一班兄弟在酒店舉行派對,負責婚宴的Karl亦在場。第二朝一睡醒就出事,Karl無奈說..「朝早起身唔見咗個新郎,一邊我要安撫新娘,一邊要搵當事人。」最終紙包不住火,已崩潰的新娘盡毀酒店房內的物品。婚禮最終取銷,但雙方家長堅持要小朋友出世,男家派出「新郎」大哥照顧安胎的女方。最後二人日久生情,大哥放棄拍拖多年的女友,跟原本是「弟婦」的女方結婚,更順理成章成為小朋友的「父親」。不過荒唐事還未完,Karl接着說..「早兩年細佬結婚都係我幫佢搞婚禮,大佬一家三口都有到。位小朋友都已經11、12歲,仲未知阿叔係親生老竇。」

　Karl於節目中對盛傳的狂野船P亦有所聞,但強調絕不會安排旗下女藝人出席,他說..「有趟爭啲出事,有某位導演話搵我位女藝人出海試鏡。我都覺奇怪,都去睇下。點知去到碼頭見隻船無拍攝器材,仲掛住10幾件泳衣,我哋即刻轉身走啦。」◇