阮兆祥入行四十周年，口才了得，轉數快，當中扮邊個似邊個兼搞笑形象更是深入民心。今次宣佈在「澳門銀河」-GBox帶來全新棟篤笑作品《娛樂隊穿祥之玩轉老朋友》以「老朋友」為題，是阮兆祥身邊「老朋友」愈來愈多外，香港最近也破了世界紀錄，說：「全球最長壽嘅男士同埋女士都係香港，香港老化人口亦係一個問題。年紀越來越大，面對慢慢老會有好多事情會發生，花生事一籮籮！想通過棟篤笑，同大家從不同角度了解吓點去睇『老朋友』。」同時，阮兆祥覺得「老朋友」還可以指年長大的朋友，亦可理解成為相識好耐的朋友，彼此間一樣有不同的笑料可分享。

　日前拍攝宣傳海報，阮兆祥就多個代表人物上物，由國際間政治紅人特朗普、新聞人物新何太、肥媽Maria Cordero到電影《九龍城寨之圍城》龍捲風，阮兆祥都輕易駕馭，緊貼社會，阮兆祥說：「入行四十年，我一直要令自己保持好奇心，以做到積極創新，唔離地，所以當晚的「老朋友」主題，有信心會令大家有共鳴，務求與大家爆笑個半鐘。」為記念四十周年，阮兆祥特意帶來小禮物，答謝入場觀眾，笑道：「放心啦！你入場嘅話我一定會補償俾你，所以入場觀眾係有機會得到小禮物作答謝。」十月十一及十二號，祥師兄約定大家「澳門銀河」-GBox相聚，同你玩到老唱到老！◇