楊茜堯日前現身尖沙咀出席無線劇集《黑色月光》煞科宴。在拍完這套劇之後，現時她沒有新的工作安排。

　茜堯受訪時表示：「其實拍完呢套劇之後，係有少少失落，因為可以係完全放鬆慨狀態開工，個人係好開心。因為平時要湊小朋友關係，成個人精神都落咗係兩個小朋友身上，變咗我係屋企唔化妝，連有白頭發我都唔會去染。但到我出返嚟拍劇之後，因為要用最好慨狀態見大家，我就會注意返自己儀容，會執返得靚啲，變咗成個人慨狀態又返番嚟。」

　茜堯又指因在內地拍劇，長時間與家人分開，內心感到非常內疚：「雖然出返嚟拍劇，做返自己鐘意做慨嘢，個人係會開心咗好多。但我要抖一抖，因為我怕我小朋友唔認得我，就好似呢套劇我喺內地拍咗兩個月，試過返嚟見大女「小珍珠」時候，會問我點解成日唔喺屋企，又會話我你而家又走？我話係呀。然之後大女又會話你可唔可以下次唔好去咁耐，你可唔可以留喺屋企耐啲，多啲陪我得唔得？又會講我唔想你去，你叫爸爸去做嘢啦。所以我聽到之後，我好心酸，覺得好內疚，好對唔住小朋友。始終小朋友好快大，咁所以我都要係工作同小朋友之間作出平衡。」◇