鄧洢玲（阿旦）本月疫情下再投資七位數字於銅鑼灣開設餐廳，獲老友陳靜出席昨天的開幕活動。阿旦表示，其實構思早於二０一九年尾，因疫情、裝修等等都遇上挫折，開張日期都改咗三次。她笑說：「今次將姑婆本都嘔晒出嚟做生意真係好膽，多謝拍檔信任，陪我一齊癲。」

　受疫情限制下，目前禁晚市堂食，唯有暫時做外賣，好彩有較多狗仔包場活動。她坦承會擔心，但唔諗得咁多，之前經營的按摩店由年底開始已完全暫停營業，幸好業主肯減百分之三十租金，共渡時艱。

　陳靜（Dada）為免搶去老闆風頭，以密實打扮示人。她表示，疫情下已停工，休息了幾個月，下月終於有工開拍警匪片。趁沒有工開便去增值自己，學整餅、法式曲奇和麵包，以及投資股票，很開心也有點進帳。

　提到去年是唯一港人入圍「全球百大美女」，DaDa指今次雖然百大不入，不似二０一二年般排名四十四，但有得入圍已很開心。至於感情生活，她自爆已單身大半年，現階段無拖拍兼無人追，都想真姻緣快點出現，始終已到適婚年齡，又喜歡小朋友。◇