蔣祖曼、森美、岑珈其、陳宇琛日前出席由本地非牟利組織3SPACE及高先電影有限公司聯手主辦「第六屆香港兒童國際電影節」，蔣祖曼與陳宇琛戲中飾演父母，笑言二人多年前已合作，所以甚有默契：「其實之前一直都比人定形做女強人嘅角色，所以做媽媽都唔介意，因為演員最緊要多啲嘗試，唔好比人定型！嚟緊新劇我會做打女，因為之前都冇『功夫』底子，所以依家日日都做練習，少少受傷都在所難免。（係咪想『打』個視后？）呢個只係目標，但唔敢諗住，現在做好每一個角色先。」

　而陳宇琛與太太一同出席活動，他細心為太太「梳頭」被讚好老公：「而家都盡量陪太太多啲，所以無謂嘅應酬盡量都唔去嘅，不過都要搵奶粉錢嘛，所以都要做嘅！自從宣布咗做爸爸之後，日日都有朋友Message教我啲育兒資訊，所以唔識都變到識。其實我地都唔係『緊張大師』，只係朋友講得太多，令我都懷疑係咪要研究多啲。」

　同場的森美就為電影配音，他笑言第一次配「爸爸」角色，對自己挑戰甚大：「因為我平時都係做啲『細路』嘅聲，所以做爸爸配音要壓低把聲。」◇