林作與鍾培生的「百萬大戰」前晚終於在擂台上演，結果只學了半年拳擊的林作打足四個回合都未被KO，最後大會裁定鍾培生以四十比三十四點數勝出，由於兩人實力懸殊，林作採取策略「無限擁抱」鍾培生及走為上着去消耗時間，第二回合林作繼續走來走去，拳證忍不住多次警告下互有交手，但大部份時間鍾培生都被林作攬著，林作跑到無氣。第四回合林作多次被鍾培生打中頭，最終林作成功不被K.O.結束。拳擊結束後雙方的工作人員爆衝突，保安上台調停。

　至於鍾培生多謝粉絲、父母支持，強調自己個鼻冇事，強調沒有中過拳，反而成功打爆林作個嘴，他說：「我一直想打佢，只係林作攬着我，因為咁K.O.唔到佢有少少失望，但都要畀credit佢，因為佢好努力去練，否則冇機會頂到四個回合，怇比我想像中有氣力，他雖然是個小人，但有認真練過，goodshow，所以最後我都有同佢握手，希望林作嘴傷到教訓學識尊重人，唔好再蝦女人及抽水。」鍾培生稱賽果跟預期差不多。鍾培生會履行合約予林作一百萬元酬勞，但要扣取林作買了的三、四萬元的門票錢。他表示事件擾攘半年，恩怨已在擂台上解決，大家也吃夠花生，所以不會跟對方再打。

　對於「林鍾大戰」，網民留言說：「連林作呢啲新手都K.O唔到，笑死！」「真人版大師兄對真人版外賣仔，邊個真係大贏家大家心照啦！」◇