張慧儀接受余安安訪問時，表示以前冇意收養小朋友，相信女性到咗某個年紀，就會有一種母性，當時她去探訪孤兒院做義工，遇到心臟有事的Hanson，想帶他返家，卻一度被院長反對：「我諗我畀人係性感女星感覺，形象唔係太好，我就開始每日早上八點，去孤兒院服務，又照顧Hanson及同佢冲涼，連續兩、三個星期後院長就同意畀我寄養，未正式領養。」

　張慧儀表示Hanson做過兩次大手術，她說：「第一次手術時，佢只得四個月大，當年佢昏迷咗八個星期，因為佢個腎同肝都腫了，醫生認為呢個小朋友應該活不過來，但他生命力好強，不過，後遺症影響到說話能力同平衡能力，初初不擅說話，佢最擅長係叫媽媽，後來進步好大，令她好安慰，相當開心。直至二０一八年兒子經歷另一次大手術，過程不太理想，手術完後他要深層睡眠三天去補腦，甦醒後有一段時間認不到她。」她形容那段日子好難過，寢食難安，只係望住天花板不停祈禱，只要他康復，甚麼都願意。◇