早前確診新冠肺炎的劉少君和麥德羅兩兄弟已相繼出院，分別在前日及大前日出院，可是出院不久，即相約飲茶慶祝康復，麥德羅拍片表示：「好耐冇飲過茶啦，今日同我老友記互相問好，好似生離死別咁。」劉少君則說：「多謝大家關心，但疫情仍非常嚴峻，就算老人家得病都唔緊要，一定醫到，一定有希望，唔好氣餒，大家注重衛生，我同麥德羅呢段時間會加強體魄，會令心肺功能恢復過來，大家注意衛生，病毒周圍有，注意衛生就可將病毒擊破。」麥德羅再說：「飲完茶記住戴口罩，同埋記住勤洗手。」片中兩人均精神不俗。

　雖然兩人在限聚令下只能兩人約會，不過麥德羅將口罩拉到下巴位置，劉少君亦只將口罩放在枱。可是兩人飲茶舉動被網民喪插自私：「二人齊播毒，積吓陰德喇」、、「咁快走出來播毒。唔係呀？」、「害人害物」....麥德羅對此回應：「我哋有抗體，唔會播毒，唔通全港好番嘅人都播毒？」劉少君就指：「香港人係支持香港人，冇歧視我哋有病就醫返好，咁咪冇事噮。」他又話打後會減少出街。

　劉少君昨日清晨五點天還未光到尖沙咀金馬倫道慢跑練心肺功能，他說：「星期日冇乜車及人，我緩步跑，多啲呼吸，吸氣慢呼，會好少少。」其後又去食吃個早餐，並展示了在留院期間的抽血針口位尚有傷口痕跡，憶述初入院的三日都不停嘔及頭暈和抽血的往事。

　麥德羅女友劉麗萍（Apple姐）昨日可離開隔離營。Apple姐開心拍片說：「好開心今日可以出院，多謝照顧我的醫護人員，得到他們好細心和悉心的照顧，並多謝網上好多朋友發短訊祝福我，收到差不多近千個祝福。我好感恩，亦覺得自己好好彩，由確診開始冇乜唔舒服，但正正因為咁先覺得呢個病好恐怖，原來不知不覺入侵身體，大家要好小心，祝願未康復朋友早日康復，希望香港早日戰勝疫情，大家努力，加油！」

　確診的時裝設計師鄧達智（William）仍在醫院負氣壓房接受治療，昨日他明顯精神轉好，說已退發燒，還有胃口食杯麵：「醫生話我係無病徵感染，sofar到目前為止係冇明顯病徵，但就感染咗，入院時指數係差，但又唔係好差，但亦唔係好樂觀，所以佢哋要幫我打針要我食勁嘅藥，佢哋相信我係好轉咗。由初步確診到家，已超過一星期，我冇咳，個情況已經好好，明天驗埋CT Value（病毒數值），呢個CT Value定咗之後，先決定我幾時返屋企。陳醫生（伴侶陳梓欣Clement）今天已離開隔離營返屋企。」他昨天會親手煲愛心瑤柱粥帶去醫院給他打氣。◇