陳凱琳宣佈第二胎已出世

 恭喜恭喜陳凱琳Grace Chan同鄭嘉穎kc(Kevin Cheng)第二個愛情結晶品Yannick上星期一(七月二十七日)已經出世,Grace今日喺社交平台宣佈好消息,亦向傳媒發放語音短訊分享分娩後嘅心情。

 佢話同BB已經出院返到屋企,而大仔Rafa同細佬嘅相處亦都相當融洽,亦都非常幫手咁話。Grace又話第二胎出世嘅心情比上次分娩輕鬆,過程亦都非常順利,坐月亦都會好好休養咁話。

 Grace同老寶嘉穎亦都喺自己社交平台留言,對再次成為媽媽覺得非常感恩同滿足呀!嘉穎簡短留言話:「細佬來了,母子平安,非常感恩」,而Grace就以英文留言,仲多謝生產期間協助照顧佢嘅醫療人員添。◇